غزہ میں اسرائلی بربریت اور مظالم پر عرب دنیا بھلے خواب غفلت میں پڑی ہو لیکن مغرب میں لوگ غزہ کی خواتین اور بچوں کی حالت سے بہت غم زدہ ہیں۔ مغربی ملکوں کے مختلف شہروں میں آئے دن فلسطین کی حمایت میں لوگ سکوں پر اتر رہے ہیں۔
سویڈن کے دارالحکومت اسٹاک ہوم میں بڑی تعداد میں لوگ غم و غصے میں سڑکوں پر نکل آئے اور اسرائیل کے ظالمانہ اقدامات کے خلاف اور بہادر فلسطینی عوامِ مقاوم کی حمایت میں احتجاج کیا۔
اس مارچ میں یہودی گروہوں کی بھی شرکت رہی جنہوں نے اسرائیل کی غیرانسانی پالیسیوں کی مخالفت میں نعرے لگائے۔
اس احتجاج میں لوگوں کے بنیادی مطالبات میں «فلسطین کی آزادی»، «متجاوز ریاست اسرائیل کا خاتمہ»، «غزہ میں نسل کشی کو روکنا»، «معصوم فلسطینی بچوں کی حمایت»، «فلسطینی عوام کے لیے خوراکی اور طبی محاصرے کا خاتمہ» اور «فلسطین میں مقاومت کے ساتھ یکجہتی» شامل تھے۔
کئی علامتی کفن پوش تابوت بھی تیار کیے گئے تھے تاکہ غزہ کے شہداء کے تابوتوں کی تمثیل پیش کی جا سکے۔ ان لامتی جنازوں کو اسٹاک ہوم کے لوگوں نے اٹھایا تاکہ دنیا دیکھے کہ پوری دنیا مظلوم و مقاوم فلسطینیوں کے بےجا بہائے گئے خون پر سوگوار ہے اور بہت جلد مشرق سے مغرب تک لوگ مل کر فلسطین کے لیے انتقام کا مطالبہ کریں گے۔
شرکاء نے اس وسیع مارچ کی تصاویر اور ویڈیوز سوشل میڈیا پر شیئر کیں اور دنیا بھر کے صارفین نے اس انسانیت پسند تحریک کا خیرمقدم کرتے ہوئے مثبت ردِعمل ظاہر کیا۔ سب نے کہا کہ اسرائیل کو فوراً روکا جانا چاہیے اور فلسطین کی مدد کی جانی چاہیے۔
انسانیت دین، نسل یا سیاست کو نہیں پہچانتی؛ انسانیت سب کی مشترکہ زبان ہے۔ یقیناً حق بالاخر جیتے گا اور ظلم و جور شکست کھائے گا۔ عالمی سطح پر اسرائیل کے خلاف عوامی بیداری میں شدت اس بات کی علامت ہے کہ بلا شبہ فلسطین آزاد ہوگا اور اسرائیل ختم ہوگا اور لاکھوں مسلمان و غیرمسلمان کی موجودگی میں مسجد اقصیٰ کی فتح کا جشن منایا جائے گا۔
