کیا کیلے کھانا بھی ملک بدری کا سبب بن سکتا ہے۔ جی ہاں باکل بن سکتا ہے۔ ترکی نے کیلے کھانے کی سزا دیتے ہوئے آٹھ شامی مہاجرین کو ملک سے نکالنے کا فیصلہ کرلیا ہے۔معاملہ کچھ یوں ہوا کہ ایک شامی مہاجر طالبہ نے درجنوں کیلے کھانے کا ویڈیو سوشل میڈیا پر اپ لوڈ کردیا۔ ویڈیو دیکھ کر ترکی کے لوگوں کا غصہ ساتویں آسمان پر پہونچ گیا۔ترکی آج کل معاشی بحران سے دوچار ہے۔ ویڈیو دیکھ کر عام ترک باشندوں کا رد عمل یہ تھا کہ انہیں تو کیلے نصیب نہیں ہورہے ہیں اور یہ شامی درجنوں کیلے کھا رہے ہیں۔ شامی طالبہ کے ویڈیو پر ہنگامہ برپا ہوتے دیکھ کر کئی شامی طالبہ کی حمایت میں شامی مہاجرین نے بھی کیلے کھانے کے ویڈیو اور تصاویرسوشل میڈیا پر اپ لوڈ کردیں۔جسکی وجہ سے ترک باشندوں کا غصہ اور بھڑک گیا۔
کئی ترک شہریوں نے شامی مہاجرین کو تنقید کا نشانہ بناتے ہوئے مشورہ دیا کہ انہیں اپنے ملک (شام) واپس لوٹ جانا چاہئے اور اپنی سرزمین کو بچانے کیلئے جنگ میں حصہ لینا چاہئے۔
سوشل میڈیا کی تصاویر اور ویڈیوز سے شروع ہونے والا معاملہ طول پکڑ گیا یہاں تک کہ ترک حکومت کو مذکورہ مہاجرین کو حراست میں لینا پڑا۔
ترک حکام کا کہنا ہے کہ ان مہاجرین کو جلاوطن کرنے کا فیصلہ کر لیا گیا ہے، اور اب انہیں شام واپس بھیجنے کے انتظامات کیے جا رہے ہیں۔
