غاصب اسرائیلی ٹیلی ویژن مکان کے دعویٰ پر یقین کیا جائے تو ایک اور مسلم اکثریتی ملک صومالیہ بھی صیہونی غاصب ملک سے رشتے استوار کرنے والا ہے۔ بتایا جاتا ہے کہ صومالیہ کچھ عرب ممالک اور غاصب اسرائیلی حکومت کے مابین طے شدہ معاہدوں کے فریم ورک کے اندر اسرائیلی حکومت کے ساتھ تعلقات کو معمول پر لانے کی کوشش میں ہے۔
“مکان” ٹی وی چینل نے صومالی صدر حسن شیخ محمود کے حوالے سے کہا ہے کہ صومالی حکومت اسرائیل کے ساتھ تعلقات کو معمول پر لانے کے حوالے سے اپنی پارلیمنٹ اور دیگر جماعتوں کے ارکان سے مشاورت کرنے والی ہے۔
ٹی وی چینل نے کہا کہ حسن شیخ محمود نے صومالیہ کے صدر منتخب ہونے کے بعد متحدہ عرب امارات کا دورہ کیا تھا اور اس دورے کے دوران انہوں نے اسرائیلی اعلیٰ حکام سے ملاقاتیں کیں تھی تاہم اس خبر کی صومالی صدارتی دفتر نے تردید کی ہے۔
قابل ذکر ہے کہ حسن شیخ محمود نے 2016ء میں غاصب اسرائیلی حکومت کے سابق وزیراعظم نیتن یاہو سے اسرائیل کے خفیہ دورے کے موقع پر کئی دیگر عہدیداروں کے ہمراہ ملاقات کی تھیں۔
