۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایران کی خلائی صنعت سے تعلق رکھنے والے دو افراد کی پر اسرار طریقے سے موت کی خبر ہے۔ انہیں شہید بتایا جارہا ہے۔ پاسداران انقلاب کی مرکزی صوبے کی برانچ نے اعلان کیا ہیکہ خلائی صنعت سے تعلق رکھنے والے علی کمانی کی خمین صوبے میں ڈرائیونگ کے دوران موت ہو گئی۔ بتایا جاتا ہیکہ وہ ایک مشن پر تھے۔پاسداران انقلاب سے منسلک ویب سائٹ کے مطابق 33 سالہ محمد عبدوس کی بھی مشن کے دوران ہی موت ہوئی۔ ایران کی وزارت دفاع کا کہنا ہیکہ عبدوس اسکے لئے کام کرتے تھے۔خبر رساں اداروں نے ان دونوں اہلکاروں کی موت کو شہادت بتایا ہے جسکا مطلب ہیکہ انہیں قتل کیا گیا۔عبدوس کی موت سمنان صوبے میں ہوئی
کمانی اور عبدوس کی پر اسرار موت اسی سلسلے کی کڑی ہے جس میں چند ہفتوں قبل پاسداران انقلاب اسلامی کی قدس فورس کے کرنل علی اسمعیل زادہ کی موت ہوئی تھی۔اہم مشنوں سے منسلک اہلکاروں کی موت کے لئے ایران اسرائیل کو ذمہ دار ٹھہراتا ہے۔
