ترکی اور ہندوستان کے باہمی رو ابط مستحکم ہورہے ہیں ، ترکی ایک ابھرتی معیشیت ہے تو ہندوستان نے دنیا بھر میںمختلف میدانوں میں ترقی کے حوالے سے منفرد چھاپ بنائی ہے ، یہی وجہ ہیکہ مختلف شعبوں میں دونوں ملکوں کے درمیان اشتراک میں اضافہ ہورہا ہے۔ ترکی سے انڈیا کے دورے پر پہنچے ہاشمی گروپ کے سی ای او تجمل حسین نے اورنگ آباد میں پریس بریفنگ میں ان خیالات کا اظہار کیا۔
ان کا کہنا ہیکہ تعلیم ، سیاحت ، تجارت اور ریئل اسٹیٹ کے میدان میں تر کی نے تیزی سے ترقی کی ہے جس کی وجہ سے دنیا بھر کا تاجر طبقہ ترکی کی طرف راغب ہورہا ہے ۔ انھوں نے یہ بھی کہا کہ ہندوستانی تاجروں کے لیے ریئل اسٹیٹ میں انویسمنٹ ایک اچھا پلیٹ فارم ہے ۔ ہاشمی گروپ حیدر آباد کا بھی دورہ کرنے والا ہے۔
