qaumikhabrein
Image default
ٹرینڈنگسیاستقومی و عالمی خبریں

ایران سے واپسی پریوروپی یونین افسرکو جرمنی میں حراست میں لے لیا گیا۔

ایران جوہری معاہدے میں مذاکرات کرنے والے یورپی یونین کے مرکزی نمائندے اینرک مورا نے اپنے ایک ٹویٹر پیغام میں کہا کہ انہیں سفارتی قواعد کی خلاف ورزی کرتے ہوئے فرینکفرٹ ایئرپورٹ پر ساتھیوں کے ساتھ حراست میں لے لیا گیا ہے۔اینرک مورا یورپی یونین کے خارجہ امور کے نائب صدر ہیں۔انکا کہنا ہیکہ انہیں جرمن پولیس نے بغیر کسی وضاحت کے تہران سے برسلز جاتے ہوئے فرینکفرٹ ایئرپورٹ پر حراست میں لے لیا۔مورا کے مطابق جرمن پولیس نے میرا پاسپورٹ اور میرا فون ضبط کر لیا۔
بین الاقوامی امور کے ایرانی تجزیہ کار رضا ناصری نے اپنے ٹوئٹر پیج پر ویانا مذاکرات کے کوآرڈینیٹر اینریک مورا کی تہران سے واپسی پر جرمن پولیس کی طرف سے فرینکفرٹ ہوائی اڈے پر عارضی حراست کا حوالہ دیتے ہوئے لکھا ہے کہ
یہ دیکھتے ہوئے کہ اینریک مورا کے سفر کا آغاز ایران سے ہوا تھا اور ان کے سیل فونز – جن میں تہران میں ان کی ملاقات کے بارے میں معلومات موجود تھیں – ضبط کر لیے گئے تھے، ایران کو جرمن حکومت سے ان کی عارضی حراست کے لیے وضاحت طلب کرنی چاہیے۔مورا نے تہران میں ایرانی حکام کے ساتھ ایران اور عالمی طاقتوں کے درمیان ہوئے2015 کے ایٹمی معاہدے کی بحالی کے تعلق سے گفتگو کی تھی۔

Related posts

ٹویٹر نے مودی حکومت کے خلاف مقدمہ دائر کردیا

qaumikhabrein

نو شیر وان عادل کے قصر کے آثار باقی ہیں۔

qaumikhabrein

مولانا کاظم کی گرفتاری کے خلاف کلب جواد۔کیا جواد کی نیت میں کھوٹ ہے۔؟

qaumikhabrein

Leave a Comment