ڈونلڈ ٹرمپ یا تو پلے درجے کے احمق ہیں یا نہایت قبیح۔انکے بارے میں امریکی ماہرین طرح طرح کے تربصرے کررہے ہیں۔امریکی سیاسی ماہر “ڈیوڈ بروکس” کے مطابق “ٹرمپ یقینی طور پر ایک احمق شخص ہیں!۔نیویارک ٹائمز میگزین کے تبصرہ نگار “ڈیوڈ بروکس” نے لکھا: “قبیح لوگ اپنے مفادات کو اچھی طرح جانتے اور سمجھتے ہیں، لیکن احمق لوگ اپنی بے وقوفی کی کوئی حد نہیں جانتے اور یہاں تک کہ اپنے اور اپنے ملک کے مفادات کے خلاف بھی کام کرتے ہیں، یقینا ٹرمپ کا تعلق اسی گروپ سے ہے۔
کولمبیا یونیورسٹی کے پروفیسر “منوش شفیق” بھی امریکی صدر کو احمق قرار دیتے ہیں جنہوں نے اس ملک کو گفتگو اور فکری نقطہ نظر سے مکمل طور پر خالی کر دیا ہے۔ شفیق نے کہا: ایسا لگتا ہے جیسے ٹرمپ نے امریکہ اور دنیا میں شیطانوں کے دور کا آغاز کر دیا ہے!ایک معروف امریکی تجزیہ کار اور تبصرہ نگار تھامس فریڈمین نے بھی کہا کہ ٹرمپ اپنی صدارت کو تاحیات مدت بنانے کا ارادہ رکھتے ہیں۔
ان کا کہنا ہے کہ ٹرمپ دنیا کو واقعی ٹرمپ ٹاور میں ایک ریٹیل اسٹور کی طرح دیکھتے ہیں، مثال کے طور پر، وہ فرانس سے کہتے ہیں، “آپ اپنی اس بیکری کا مناسب کرایہ ادا نہیں کر رہے ہیں!” وہ یورپ کو ایک تجارتی بلاک کے طور پر دیکھتے ہیں جو امریکہ پر بہت زیادہ دباؤ ڈال سکتا ہے ، لہذا وہ اسے توڑنے اور پھر ان میں سے ہر ایک ملک کے ساتھ انفرادی طور پر بات چیت کرنے کو ترجیح دیتے ہیں ، لیکن انہیں نتائج کا احساس نہیں ہے۔اسی تناظر میں امریکی امور کے ماہر “امیر علی ابوالفتح” نے بھی ایکس پر لکھا: ٹرمپ دائمی اقتدار کے پیاسے ہیں، چاہے وہ تاحیات صدر ہوں یا بادشاہ۔لیکن یہ خواہش فوجی بغاوت یا امریکی آئین میں تبدیلی کے بغیر ممکن نہیں ہے، پہلے کے لیے فوج کی حمایت درکار ہوتی ہے، جس کی فوج حمایت نہیں کرتی اور دوسری، آئین میں تبدیلی کے لیے کانگریس اور ریاستوں کی حمایت درکار ہوتی ہے، جس کی وہ بھی حمایت نہیں کرتے۔
بین الاقوامی ماہر عبدالرضا فرزیر کا بھی ماننا ہے کہ ٹرمپ سامراجی پالیسیوں پر عمل پیرا ہیں۔ وہ کہتے ہیں کہ امریکی صدر کا بنیادی مقصد مقامی رائے عامہ اور اپنے ووٹروں کی بنیاد کو برقرار رکھنا ہے۔ ان کے مطابق ٹرمپ نے عارضی طور پر آمریت اور جبر کی پالیسی اپنائی ہے۔
وال اسٹریٹ جرنل کے تجزیہ کار “جیرارڈ بیکر” نے بھی مختلف ممالک کے خلاف ٹرمپ کی محصولات کی جنگ کے آغاز کا ذکر کیا ہے اور اس جنگ کو امریکی صدر کی جانب سے اٹھایا گیا سب سے احمقانہ قدم قرار دیا ہے۔ انہوں نے متنبہ کیا کہ اس عمل کے جاری رہنے سے امریکی معیشت کو بھاری نقصان پہنچے گا۔
