qaumikhabrein
Image default
ٹرینڈنگقومی و عالمی خبریں

اسلام سے لوگوں کودور رکھنے کے لئے مغربی طاقتیں اسلام کے خلاف پروپگنڈہ کرتی ہیں۔ مولانا علی حیدر غازی

اسلام تلوار کے زور پر پھیلا۔ اسلام جنگ و جدال کا مذہب ہے۔ اسلام خونریزی برپا کرنے والا مذہب ہے۔ یہ پروپگنڈہ مغربی طاقتوں نے اسلام کو بدنام کرنے اور لوگوں کو اسلام سے دورکرنے کے لئے کیا ہے۔دہلی کی درگاہ شاہ مرداں میں ایصال ثواب کی ایک مجلس سے خطاب کرتے ہوئے مولانا علی حیدر غازی نے کہا کہ رسول اللہ نے اسلام کی خاطر جتنی جنگوں کا سامنا کیا ان سب میں مجموعی طور پر بھی چند ہزار افراد ہلاک نہیں ہوئے اور اسلام پر جنگ و جدل کا مذہب ہونے کا الزام لگانے والی مغربی طاقتوں نے پہلی اور دوسری عظیم جنگوں میں کروڑوں لوگوں کو موت کے گھاٹ اتار دیا۔مسلم ملکوں میں بھی ان ہی طاقتوں نے لاکھوں بے گناہ مسلمانوں کا خون بہایا۔

مولانا علی حیدر غازی نے نوجوانوں سے مغربی طاقتوں کے پروپگنڈے سے دور رہنے کو کہا۔ درگاہ شاہ مرداں میں مجلس عزا کا اہتمام زاہد علی مرحوم کے چہلم کے موقع پر کیا گیا تھا۔ مرحوم زاہد علی مجاہد آزادی مبارک مزدور کے بہنوئی تھے۔ الہ آباد سے تعلق رکھنے والے مبارک مزدور جد و جہد آزادی کے دوران کئی بار جیل گئے ۔وہ پنڈت نہرو کے ساتھ نینی جیل میں بھی رہے تھے۔ مجلس میں سوز خوانی اختر عباس اورانکے ہمنواؤں نے کی۔

مردانی مجلس کے بعد زنانی مجلس کا اہتمام کیا گیا جس سے ذاکرہ اہل بیت شبنم زیدی نے خطاب کیا۔ مرحوم زاہد علی کے فرزند شارق علی نے مجلس عزا میں شرکت کرنے والے مومنین کا شکریہ ادا کیا۔

Related posts

اچھا انسان بننے کے لئے ضروری ہیکہ خواہشات کو غالب نہ آنے دیا جائے۔ مولانا صفی حیدر

qaumikhabrein

پاکستان کا غریب مفتی 5 ارب 34 کروڑ 27 لاکھ کا مالک نکلا۔

qaumikhabrein

دعائے امام زمانہ پڑھنے پرمکہ میں بحرینی عالم دین گرفتار

qaumikhabrein

Leave a Comment