qaumikhabrein
Image default
ٹرینڈنگقومی و عالمی خبریں

اچھا انسان بننے کے لئے ضروری ہیکہ خواہشات کو غالب نہ آنے دیا جائے۔ مولانا صفی حیدر

اللہ نے فرشتوں کو عقل دی خواہشات نہیں ، حیوانا ت کو خواہشات عطا کیں لیکن عقل کے جوہر سے محروم رکھا لیکن انسان جسے اس نے اشرف المخلوقات بنایا اسے عقل کا جوہر بھی عطا کیا اور خواہشات بھی دیں۔ اب یہ انسان کے اوپر ہیکہ عقل کو جزبات پر غالب رکھ کر فرشتہ بن جائے یا خواہشات نفسانی کی پیروی کرکے حیوان بن جائے۔ امروہا میں ایصال ثواب کی ایک مجلس سے خطاب کرتے ہوئے مولانا صفی حیدر نے آئمہ اطہار کے اقوال کی روشنی میں اچھا انسان کے موضوع پر تقریر کی۔

ایصال ثواب کے موضوع پر مولانا صفی حیدر نے کہا کہ مرنے کے بعد انسان کا اعمال نامہ توبند ہوجاتا ہے لیکن اسکو مختلف طریقوں سے ثواب ایصال کیا جاسکتا ہے۔ جس میں ایک طریقہ شہیدان کربلا کے غم میں مجلس عزا کا اہتمام بھی ہے۔ مولانا صفی حیدر نے برزخ کا فلسفہ بیان کرتے ہوئے کہا کہ محشر سے پہلے برزخ کا انتظام کرکے پردگار عالم نے ایصال ثواب کا سلسلہ رکھا ہے تاکہ مرنے کے بعد بھی انسان کو اسکی رحمتیں نصیب ہوتی رہیں۔

شہر کی سربرآوردہ شخصیت نواب انتقام علی خاں اور انکی اہلیہ کے ایصال ثواب کی یہ مجلس محلہ مجاپوتا کے عزا خانہ میمونہ خاتون میں منعقد ہوئی تھی۔ مجلس میں مرثیہ خوانی معروف سوز خواں سید سبط سجاد اور انکے ہمنواؤں نے کی۔مجلس میں مختلف مذاہب اور مسلکوں سے تعلق رکھنے والوں نے بڑی تعداد میں شرکت کی۔

Related posts

بی جے پی ایم اے ایل کو کسانوں نے پیٹ دیا۔ کپڑے بھی پھاڑ ڈالے

qaumikhabrein

ہندستانیوں کے لئے اچھی خبر۔سعودی ویزا آسان۔پولیس کلیئرنس کی شرط ختم

qaumikhabrein

سبزی فروش فیصل کو پولیس اہلکاروں نے پیٹ پیٹ کر مار ڈالا۔

qaumikhabrein

Leave a Comment