qaumikhabrein
Image default
ٹرینڈنگقومی و عالمی خبریں

اسلام نے بندوں کے حقوق پر بہت زور دیا ہے۔ مولانا شاداب حیدر

اللہ اپنی نافرمانی کرنے والوں کو معاف کرسکتا ہے لیکن اپنے بندوں کے حقوق ادا نا کرنے والوں کو معاف نہیں کریگا۔امروہا میں ایک عزادار امام مظلوم کے ایصال ثواب کی مجلس سے خطاب کرتے ہوئے مولانا شاداب حیدر نے قرآنی آیات کے حوالے سے کہا کہ اللہ نے اپنی معجز نما کتاب میں جہاں جہاں اپنے حقوق کی بات کی ہے وہاں وہاں بندوں کے حقوق کا بھی ذکر کیا ہے۔ مولانا شاداب حیدر نے کہا کہ اسلام وہ واحد مذہب ہے جس نے سب سے پہلے بندوں کے حقوق کی ادائےگی پر زور دیا۔

مولانا شاداب حیدر نے کہا کہ جب قرآن نماز قائم کرنے کی بات کرتا ہے تو اس  سے مراد  بندے پر عائد ہونے والے اللہ کے حقوق سے ہے اور جب  ذکات ادا کرنے کی بات کرتا ہے تو اس سے مراد اللہ کے بندوں کے حقوق کی ادائےگی سے ہے۔

امروہا کےمحلہ دربار کلاں کے عزاخانہ شمس علی خاں میں یہ مجلس عزا ماجد حسین کے چہلم کے موقع پر برپا کی گئی تھی جس میں پیش خوانی استاد شاعر انور ظہیر انور میرٹھی نے کی جبکہ مرثیہ خوانی مدثر حسین اور انکے ہمنواؤں نے  کی۔

مرحوم ماجد حسین  معروف شاعر اہل بیت عارف حسین ناظم کے بڑے بھائی تھے جنکا گزشتہ یکم جنوری کو دل کا دورہ پڑنے سے انتقال ہو گیا تھا۔مجلس میں بڑی تعداد میں مومنین نے شرکت کرکے مرحوم ماجد حسین کے متعلقین  سے اظہارتعزیت کیا۔

Related posts

ممبر کے تقدس کو بحال کرنے کی اشد ضرورت۔ مولانا مرزا عمران علی۔

qaumikhabrein

غلام حیدر کے ‘بچوں کے گلد ستے’ کی رسم اجرا

qaumikhabrein

اامر بالمعروف والنهي عن المنكر چھوڑنے والی قومیں مردہ ہو جاتی ہیں۔ مولانا ضمر عباس جعفری

qaumikhabrein

Leave a Comment