‘ جشن فاطمہ بضعتہ منی’ کے عنوان سے قدیمی محفل مقاصدہ منعقد ہوئی۔ محلہ دربار شاہ ولایت(لکڑہ) میں ماسٹر ندیم کے مکان پر منعقدہ اس محفل میں شعرا کی طبع آزمائی کے لئے دو طرحی مصرعے تجویز کئے گئے تھے۔
مدعو شعرا نے ”الہیٰ روضہ زہرا کی اب تعمیر ہو جائے” اور ‘ہم فاطمہ زہرا کی دعاؤں کا اثر ہیں” میں بنت رسول، مالکہ جنت، زوجہ حیدر کرار ،مادر حسنین و زینت و ام کلثوم کی شان میں منظوم نزرانہ عقیدت پیش کیا۔ محفل کی صدارت مولانا عمران ترابی نے کی جبکہ اسٹیج پر استاد شاعر واحد امروہوی، لیاقت امروہوی اور ڈاککٹر لاڈلے موجود تھے۔ محفل کی نظامت میزبان ماسٹر ندیم نے کی۔فل کی۔
جن شعرا نے طرحی مصرع پر کلام پیش کیا ان میں واحد امروہوی، لیاقت امروہوی، ڈاکر لاڈلے، ڈاکٹر مبارک، جمال عباس فہمی، اشرف فراز، ارمان ساحل، فرقان امروہوی۔ ضیا کاظمی، شاندار امروہوی، میزبان ماسٹر ندیم، ناظم امروہوی، قیصر مجتبیٰ، سرفراز امروہوی رال گفران غفران راحل اور رضی امروہوی شامل تھے۔ حضرت امام علی نقی ٹرسٹ رجسٹرد کے زیر اہتمام یہ محفل گزشتہ پچیس برسوں سے منعقد کی جا رہی ہے۔ اس بار منتظمین کی جانب سے سامعین کے لئے تحفےکا اہتمام کیا گیا۔ قرعہ اندازی کے ذریعے پانچ سامعین کو اسکے لئے منتخب کیا گیا۔
