شہر عزائے حسین امروہا کا مشہور زمانہ عشرہ اربعین شروع ہو چکا ہے۔ اس عشرہ اربعین میں مختلف عزا خانوں میں چہلم امام حسین تک روزانہ چھ مجالس کا اہتمام کیا جاتا ہے۔ان مجالس سے خطاب کرنے کے لئے بیرونی ذاکرین اور خطیبوں کو مدعو کیا جاتا ہے۔ اس مخصوص عشرے کے دوران مجالس کا سلسلہ صبح ساڑھے آٹھ بجے شروع ہو جاتا ہے، جو سہ پہر تک جاری رہتا ہے۔۔ نماز مغربین کے بعد یہ سلسلہ پھر شروع ہوتا ہے اور شب میں بارہ بجے تک جاری رہتا ہے۔
اس عشرہ اربعین میں عزا خانہ علمدار علی خاں۔ محلہ گزری، عزا خانہ وزیر النسا ۔محلہ دانش منداں، عزا خانہ اکبر علی۔ محلہ دانش مندان ، حسینی ہال۔ محلہ شفاعت پوتہ، عزا خانہ حسینی۔ محلہ حقانی اور عزا خانہ۔محلہ دربار شاہ ولایت(لکڑہ) میں بیرونی ذاکرین کی ایمان افروز تقاریر سننے کا شہر کے مومنین کو موقع ملتا ہے۔
عزا خانہ علمدار علی میں صبح ساڑھے آٹھ بجے جونپور کے مولانا فضل ممتاز، گیارہ بجے عزا خانہ وزیر النسا میں بہار سے تعلق رکھنے والے مولانا اسد یاور اور سہ پہر ساڑھے چار بجے عزا خانہ اکبر علی میں مولانا تصدیق حسین مجالس عزا سے خطاب کریں گے۔
نماز مغربین کے بعد مجالس کا سلسلہ شفاعت پوتہ سے شروع ہوگا جس سے مولانا رضا حیدر زیدی لکھنوی خطاب کریں گے۔ اسکے بعد محلہ حقانی میں مولانا سبط حیدر زیدی مجلس سے خطاب کریں گے۔
شہر کی آخری مجلس عزا خانہ محلہ لکڑہ میں ہوتی ہے جس میں عزاداروں کو مولانا علی رضا اشتر کا بیان سننے کا موقع ملےگا۔(ذاکرین کی تصاویر بشکریہ امروہا عزاداری انڈیا)
