کورونا کے دوران یہ دوسرا رمضان ہے۔لیکن اس بار وبا کا کچھ زیادہ ہی زور ہے۔ رمضان المبارک میں عبادات کا خصوصی اہتمام کیا جاتا ہے۔ مسجدوں میں نمازیوں کا ہجوم بڑھ جاتا ہے۔ حکومت کی جانب سے بھی احتیاط برتنے کی ہدایات دی جارہی ہیں۔عبادت گاہوں میں عقیدت مندوں کی تعداد کے سلسلے میں بھی گائڈ لائنز جاری کی گئی ہیں۔علما نے بھی مسلمانوں سے احتیاط پر خاص طور سے توجہ دینے کی اپیل کی ہے۔ دہلی میں کشمیری گیٹ کی شیعہ جامع مسجد کے امام مولانا محسن تقوی نے عبادت گزاروں سے ماسک لگانے،سینی ٹائزرس کے استعمال اور فاصلے برقرار رکھنے کو کہا ہے۔ مولانا تقوی کا کہنا ہیکہ نہ صرف ہمیں اپنی جان کو سلامت رکھنا ہے بلکہ دوسروں کی زندگیوں کی بھی حفاظت کرنا فرض ہمارا فرض ہے۔
