افغانستان سے امریکی فوجیوں کے انخلا کے بعد امریکہ کا جنگی ساز و سامان طالبان کے ہتھے چڑھ گیا ہے۔ بتایا جاتا ہیکہ دو ہزار سے زائد بختر بند گاڑیاں طالبان کو ملی ہیں۔ دیگر جنگی ساز و سامان جو طالبان کے ہاتھ لگا ہے اس میں چالیس ہیلی کاپٹر بھی شامل ہیں ان میں بلیک ہاک اور اسکن ایگل قسم کے جدید ہیلی کاپٹر بھی شامل ہیں۔ صدر کے قومی سلامتی مشیر جیک سویلن نے تسلیم کیا ہےکہ طالبان کو بڑی مقدار میں امریکی ہتھیار ملے ہیں۔ ان میں وہ ہتھیار بھی شامل ہیں جو افغانی فوج کے لئے تھے۔ یہ سوال بھی گردش کررہا ہیکہ امریکہ اچانک تو افغانستان سے گیا نہیں ہے۔ لگ بھگ ایک سال پہلے طالبان کے ساتھ اسکا انخلا کے بارے میں معاہدہ ہوا تھا۔ جس طرح فوجی واپس گئے ہیں اسی طرح جنگی ساز و سامان بھی واپس جاسکتا تھا ۔کہیں امریکہ جان بوجھ کر تو اپنا جنگی ساز سامان طالبان کے لئے چھوڑ کر نہیں گیا ہے۔
